kuraman update

setelah seminggu ku nda mengupdate blog ku ani,ku sempat-sempati jua mengupdate pasal kuraman hari atu,kami jalan ke pulau kuraman on 24hb ogos yang lalu,ariatu ada udah ku buat dalam blog ani tapi masa atu gambar balum ada di tanganku,ani ada udah gambarnya arah ku,tapi ku update dikit2 saja ah,pasal kalau kan buat banyak2, mcm nda ku ingat lagi perjalanan kami atu,dari A sampai Z,so masa kami jalan ke pulau kuraman atu nda berapa berombak,tapi masa balek atu berombak berabis,bergelombang banar bah,macam2 doa ku baca masa balek atu,tapi waktu di pulau atu fun berabis,kami main volleyball,lama udah kami nda main volleyball,orang belait atu lagi tia,since form 5 udah nda ia main,kalau form 5 atu,masa tahun 1997 tu eh,lama berabis..aku pun masa lapas bemain atu,badan ku nda dapat di luruskan,jalan pun bongkok saja,kepisan wang..heheh walaupun fun catu,tetap jua di hatiku kanang2 kan arwah kak tinah,masa ku kepulau atu banarnya hati ku masih lagi ragu2..kan jalan atu nda,ganya kan menjaga hati kawan2ku, lagipun lama udah kami planning kan jalan ke pulau ani,mun ku cancel jua gerenti banyak hati yang kecewa..huhuhu..tapi aku miss waktu pengebumian arwah..semoga rohnya di cucuri rahmat..amin..

sebahagian foto kami sebelum kami berangkat dan waktu berangkat






masa di pulau berabis kami makan lobster,nda alang2,tapi aku nda berapa makan,sebab aku nda berapa suka makan lobster ani,so makan ayam salai saja,atu pun ayam salainya nda berapa nyaman,nyaman lagi aku menyalai,yang siuk nya di pulau ani,kami gila begambar2 saja, di mana2 saja kami begambar,ganya nda dapat begambar dalam air,pasal kamera yang kami bawa ani bukan kalis air,hehehe...bosan lah..tapi di pendam saja bosan atu..$65 punya pasal,baik jua kami ani jenis yang gila2 jua,so hilang lah jua keboringan atu..another foto di bawah ani..liat tia







so lepas balek dari pulau kuraman, kami main flying fish lagi di empire..pasal ia package with trip to pulau kuraman,so kami memilih flying fish..siuk berabis,ganya sayangnya masa me,chupal,kasmi and mandy naik flying fish atu,si mandy gugur ke laut hahaha..calilah..tapi kesian usulnya,ia lagi nda pandai berenang..so pucat mukanya hehehe..tapi last2 ani tah fun berabis,tapi sakit jua tangan olehnya.tapi nda apa sekali ani saja heheheh...

di bawah ani foto2 kami naik flying fish hehehe..nda rugi yo

kesian si mandy..telepas dari flying fish heheeh..dasar soft hahaha...